SCIALPINISTICA Corni di Bedole (I) del 17/03/2010

El Mich el gh'eva avést la soffiada giusta della super pulver en zona Pisgana: no gh'era da perder temp... gh'è da nar! Spetà demò che l marti se calmessa l'aria, al mercol de matina partim mi, el Mich e l Teo e en direziom Passo Tonale, alle 7 e 1/4 dopo na colaziom dalle rumene de Dermul è giust davert i impianti che sém alla funivia del Tonale (al passo) a comprar per 15¤ el bigliett per scialpinista, e saltar sui ovetti rossi che con en par de cambi i ne sbara su ai 3000 metri de Cima Presena. Sto colp, el Mich, sempre usà a partir da cà co le pél zà su, ghe toca cavarle! Infatti tratti i assotti sotto i pei se parte subit en discesa en la conca vers el Mandrom! A smontar encrosém anca en par de connazzionali nordTirolesi che è drio a tornar co le ciaspole dal rifugio ai caduti... po', pù envanti, gh'è altri 3 - 4 gruppetti de skialp che è drio a partir chi vers Cima Venezia, che vers el Pisganim. Trate su le pel alla prima biforcaziom a destra, ne tegnìm alti e puntém dritti vers el Pisganim: la collaudada salita de 600m. El Teo l'è massa usà dalle gare e nol se ascorze che ancoi no gh'è cancelletti da passar for e l parte de balla avanti. Nem su seguendo traccia a ritmo veloce (difatti no ne ciapa nessuni de quei drio... e i g'ha tant l'aria de meze tutine) e l'ultim toc parte en volata anca el Mich. En par de minuti e arriva anca el Kepo... ghe sém: eccone al passo del Pisganim. Adess, enveze che molarla vers val come fa tutti, fem en bel taiom sottogresta a sinistra e superada la conca risalim fim al passòt che ne porta sul ghiacciaio del Pisgana orientale. Da qi, dopo na pausa acqua, biscotti e ossi de seppia (ehehe... el Mich el se tegn come en gardelìm!) puntém dritti alla destra della zima, che molà zò i sci, raggiungém a pè en neanca dò minuti. Berg Heil! El temp entant el s'è velà, e adess nem a zercar la valletta semprevergine del Mich: uno SPETTACOLO! Se vede via le discese stra-masnae de Pisgana e Pisganim e qi... gh'è sol le do' traccie del Paolo (che l l'ha fatta sabo!) e... super Pulver Schnee!! Insomma.. na figada da foc finché dopo 800 metri de zighi e Jodeln, ciapai massa dall'entusiasmo ne sbassem massa e finim sora na fascia de roste giazada: se tira el fià, e... se salta zò en velocità! Eccone quindi sul rientro collaudà del pisgana: qi gh'e' si polver, ma l'è stra-tracciada! Dopo el bivio col Pisganim salta for na grosta da far paura e tra mi che vago zò a zete, el Teo che l salta ogni curva, al Mich ghe toca el sfregio de guerra (beh.. dai... se per dir... l'era demo' na smussada sulla grosta) empontandose a far serpentine con stile su grosta. Sotto en tel bosc l'è ormai pistada quindi la molém e arrivai sulle piste, ne fermem al rifugio sulle piste per na ciopa de speck e radler.... eh hmm.... ops... diaolopo'... sem en Italia, e se fussem rientrai al solit baret en val de Sol, avresem sicuramente magnà meio..forse qi dovevem ordinar Pizzocheri? Vabbè, saltai sulla seggiovia a fondopista fem na discesa su na rossa giazada (endò che risciem pù de tutta l'escursiom, vist che i ne passa via come i balini e mi... no g'ho lamine!), tolti i ovetti en centro città a Ponte di Legno, en 10 minuti sém de volta a cargar i assotti sulla Polo.




Da zima Presena, con davanti el Pian de Neve, se smonta vers destra (drio la seconda zima) e direziom del Rifugio Mandron...


...e restando alti sora la conca se ripella e...


...se taca a ciapar quota co na serie de zete......puntando dritti al pass sora che porta sul ghiacciaio del Pisganin...


...quindi, con en lonc travers se punta al passot all´estrema destra, e aggira´ da drio, se punta alla zima...


...e mola´ zo´ i sci alla base delle rocce (10 metri sotto)...


Berg Heil! Dai, putei che adess... ne speta 2000 metri de discesa! (oltre ai 500 za´ fatti per el Mandron)


El Mich nol ne sbaglia una co le so vallette... semprevergini!


Einfach... ZUPPER PULVER SCHNEEEEE!!!! Che spettacolo!!! Roba da commuoverse a veder en polverom del genere!


Po´ saltai zo´ fra roccie e giaz vif ne ritachem alla discesa normale: eheh... ma qi da firmar e´ resta´ ben poc posto: i taliani... i soliti pegoroni!



Ste pagine l'e' stae cargade volte da visitatori dal 3 de agost 2005